“Azərbaycan əbədi dost və yaxşı qonşu kimi hər zaman bizim yanımızda olub”.

Unikal.org xəbər verir ki, bunu Gürcüstan Xarici işlər nazirinin birinci müavini Laşa Darsalia Azərbaycanın Müstəqilliyinin bərpa edilməsinin 30-cu ildönümü münasibəti ilə təşkil edilən marafonun Rustavi şəhərində baş tutan təltifetmə mərasimində çıxışı zamanı bildirib.

Laşa Darsalia deyib ki, iki ölkə arasında möhkəm strateji tərəfdaşlıq əlaqələri mövcuddur və illərdir birgə həyata keçirilən layihələrlə bu əlaqələr daha da güclənir: “Ölkələr arasında siyasi və digər sahələrdə tərəfdaşlıq çox önəmlidir və Azərbaycan xalqının ümummilli lideri Heydər Əliyevin laiqli davamçısı İlham Əliyevin fəaliyyəti ilə bu əlaqələr daha da güclənir. Gürcüstan regionda sülhün bərpa edilməsi istiqamətində səy göstərir və bundan sonra da bu istiqamətdə işlərini davam etdirmək niyyətindədir”.