NASA (Milli Aeronavtika və Kosmos İdarəsi) 23 117 şagirdin arasından seçilən azərbaycanlı məktəblini beynəlxalq sertifikata layiq görüb.

Unikal.org xəbər verir ki, ABŞ-ın Minnesota ştatında Vayzata orta məktəbinin 6-cı sinfində oxuyan Sevda Məmmədova çəkdiyi rəsmlə "Tələbə Kosmik Uçuş Təcrübələri Proqramı" (SSEP) çərçivəsində 13-cü missiyada iştirak edən "Astronavtlar üçün sənət" yarışmasında "Yer və Kosmos Elmləri üzrə Milli Təhsil Mərkəzi"(NCESSE) tərəfindən final mərhələsinə adlayıb.

Qeyd edək ki, həmyerlimizin çəkdiyi rəsm əsəri beynəlxalq kosmik mərkəzin 13-cü missiyasında iştirak edən astronavtların geyiminin üzərində yer alıb.