ABŞ milli təhlükəsizlik və xarici siyasət məsələləri ilə bağlı tərəddüdlərini əsas gətirərək 12-si Çindən olan 27 şirkəti qara siyahıya salıb.

"Unikal" xəbər verir ki, bu barədə ABŞ Ticarət Nazirliyi məlumat yayıb.

Vaşinqtondan verilən açıqlamada ticarət məhdudiyyətləri olan bəzi şirkətlərin Çin ordusunun kvant hesablama proqramının inkişafına kömək etdiyi bildirilib.

Çindən başqa, Yaponiya, Pakistan və Sinqapurun bəzi şirkətləri də qara siyahıya salınıb.

Səkkiz startap ABŞ istehsalı olan bəzi məhsulları “ələ keçirməyə çalışmaqda” ittiham olunur.

Nazirlik Çin və Pakistanda fəaliyyət göstərən 16 şəxs və təşkilatın “Pakistanın nəzarətsiz nüvə fəaliyyətləri və ya ballistik raket proqramı”nda iştirak etdikləri səbəbi ilə siyahıya əlavə edildiyini açıqlayıb.