Belarus-Polşa sərhədində qanunsuz olaraq Avropa ölkələrinə keçmək istəyən miqrantlar, cəhdlərini hələ də davam etdirirlər.
"Unikal" xəbər verir ki, bu barədə Polşa Sərhəd Xidməti məlumat yayıb. Dekabrın 8-də bu ölkənin Belarusla sərhədini keçməyə 80 cəhd qeydə alınıb. Müdafiə nazirliyinin yaydığı məlumata görə, mühacirlər özlərini aqressiv aparır, əsgərlərə hücum edirlər. 23 miqrant barəsində ölkədən çıxarılma qərarı verilib.
Qeyd edək ki, Polşa-Belarus sərhədində miqrant böhranı noyabrın 8-də, minlərlə qaçqın həmin əraziyə toplaşanda gərginləşib. İl ərzində Polşa sərhədçiləri 40 mindən çox sərhədi qanunsuz keçmə cəhdinin qarşısını alıblar. Bu, ötən illə müqayisədə 400 dəfə çoxdur.
