Yeni Zelandiyadan olan bir şəxs pul müqabilində digər insanların yerinə peyvənd olunub.

"Unikal" xəbər verir ki, həmin şəxs artıq 10 dəfə vaksin vurdurub. Hadisə Yeni Zelandiyanın Səhiyyə Nazirliyi tərəfindən araşdırılıb və artıq polisə məlumat verilib. Məlumata görə, kişi gün ərzində bir neçə peyvənd mərkəzinə baş çəkib və digər insanların əvəzinə peyvəndin 10 dozasını alıb.

Oklend Universitetinin immunoloqu Helen Petusis-Harris həmin şəxsin bir neçə gün ərzində özünü pis hiss edəcəyini deyib. 

Xatırladaq ki, bu ilin may ayında İtaliyanın Toskana şəhərində 23 yaşlı qadına səhvən altı doza “Faizer” peyvəndi vurulub. O, bir müddət xəstəxanada müşahidəyə alınsa da, daha sonra özünü yaxşı hiss etdiyindən evə buraxılıb.