Ukrayna sərhədləri ətrafında vəziyyət ağır olaraq qalır.

"Unikal" xəbər verir ki, bu barədə Ukrayna müdafiə nazirinin müavini Anna Malyar bildirib. O vurğulayıb ki, Rusiya bölgədə gərginliyi və qonşu dövlətlərə təzyiqi artırmaq üçün vaxtaşırı hərbi hissələrin köçürülməsi və toplanması praktikasına müraciət edir. Malyarın fikrincə, strateji məqsəd guya Ukrayna üzərində tam nəzarəti bərpa etmək, eləcə də Kiyevin Avroatlantik istəklərinin qarşısını almaqdır.

Nazir müavini bununla bağlı bildirib ki, Ukrayna Silahlı Qüvvələri istənilən ssenariyə hazırdır. A. Malyarın sözlərinə görə, Ukrayna tərəfi atom elektrik stansiyasının və digər mühüm infrastruktur obyektlərinin mühafizəsini gücləndirib.

"Ukrayna Silahlı Qüvvələrinin Hərbi Hava Qüvvələrinin növbətçi bölmələri Ukraynanın hava hücumundan müdafiə sistemində gecə-gündüz hazırlıq vəziyyətindədir. Buraya 1000-dən çox hərbçi, yüzlərlə hərbi texnika cəlb olunub”.

O, əlavə edib ki, Ukraynanın hərbi-siyasi rəhbərliyi kəşfiyyat məlumatları ilə vaxtında təmin olunur və operativ qərar qəbul edir, Ukrayna kəşfiyyatı daim tərəfdaş ölkələrin kəşfiyyat xidmətləri ilə bağlı məlumat mübadiləsi aparır.