Rusiyanın koronavirusa qarşı olan "Sputnik V" vaksininin "omikron" ştammını neytrallaşdırma səviyyəsi çox yüksəkdir.

"Unikal"ın məlumatına görə, bunu Rusiya prezidenti Vladimir Putin Sankt-Peterburqda MDB dövlət başçılarının qeyri-rəsmi görüşündə çıxışı zamanı deyib.

"Mən Qamaleya institutunun rəhbəri ilə danışmışam. Onlar araşdırmalar aparıblar və məlum olub ki, "Sputnik V" "omikron"u neytrallaşdırır. Bunun hansı səviyyədə olduğunun dəqiq cavabını yalnız kliniki sınaqlardan sonra öyrənmək mümkün olsa da, neytrallaşdırma səviyyəsi çox yüksəkdir", - deyə o bildirib.

Rusiya prezidenti, həmçinin MDB liderlərini koronavirusa qarşı birgə səylər göstərməyə çağırıb.