Belarus Prezidenti Aleksandr Lukaşenko Blaqoveşşenskə işgüzar səfərə gedib. Orada o, Rusiya Federasiyasının Prezidenti Vladimir Putinlə görüşəcək. Onlar birlikdə “Vostoçnı” kosmodromunu ziyarət edəcəklər.

"Unikal" xəbər verir ki, dövlət başçıları kosmodromun işçiləri ilə söhbət edəcək, “ulduz limanı”nın ikinci mərhələsinin – “Anqara” raketləri üçün buraxılış kompleksinin tikintisi ilə tanış olacaqlar.

Bildirilib ki, prezidentlər danışıqlar aparacaq, Rusiya və Belarus arasında ikitərəfli əməkdaşlıq, Ukraynadakı vəziyyət, Qərbin sanksiyalarına qarşı mübarizə məsələlərini müzakirə edəcəklər.