Ermənistanın Baş naziri Nikol Paşinyan və Avropa İttifaqı Şurasının prezidenti Şarl Mişel arasında telefon danışığı olub.
"Unikal" erməni mətbuatına istinadən xəbər verir ki, Avropa İttifaqı Şurasının prezidenti, Azərbaycan və Ermənistan liderlərinin aprelin 6-da Brüsseldə keçirilən görüşü zamanı əldə olunmuş razılaşmaların icrası, regiondakı vəziyyət və Ermənistan-Avropa İttifaqı münasibətlərinin gündəliyi ətrafında fikir mübadiləsi aparıblar.
Paşinyan və Mişel həmçinin Aİ-nin Şərq Tərəfdaşlığının iqtisadi və investisiya planı çərçivəsində Ermənistana 2,6 milyard dolların ayrılması ilə bağlı sazişin icrasını müzakirə edib, investisiya paketində nəzərdə tutulan proqramların səmərəli icrasının vacibliyini vurğulayıblar.
