Bu gün Moskvanın Qızıl Meydanında geniş kortej və şənlik keçirilib.
"Unikal" xəbər verir ki, Rusiya İkinci Dünya Müharibəsində Sovet İttifaqının faşist Almaniyası üzərində qələbəsini qeyd edərkən bütün diqqətlər prezident Vladimir Putində olub.
Putinin 11 dəqiqəlik çıxışında ən diqqətçəkən sözləri Ukraynaya işğalın zəruri olduğunu deməsi olub:
“Ukraynanın işğalı ona görə lazım idi ki, Qərb bizim torpaqlarımızı, o cümlədən Krımı işğal etməyə hazırlaşırdı”.
Putin çıxışından sonra hərbi paradı izləmək üçün öz yerinə keçib. Belə ki, maraqlı məqamlardan biri də onun mərasim boyu ayaqlarını yorğanla örtməsi olub.
Mərasim zamanı Moskvada havanın temperaturunun 9 dərəcə civarında olduğu bildirilib. Belə olan halda Putinin yorğanı beynəlxalq mətbuatın gündəminə çevrilib.