Rusiya Ukraynadakı müharibəyə görə əsgərlərə "Qazprombank" vasitəsilə pul ödəyir.
"Unikal" xəbər verir ki, bu barədə Ukrayna mediası araşdırma aparıb.
Belə ki, "Qazprombank" indiyədək Qərbin irimiqyaslı sanksiyalarından yayınan yeganə iri Rusiya bankıdır - o, Rusiya qazı və nefti üçün Avropa ölkələrindən ödənişlər alır. Eyni zamanda, jurnalistlərin müəyyən etdiyi kimi, bu bank vasitəsilə Rusiya Federasiyasının Müdafiə Nazirliyi Ukraynaya qarşı təcavüzkar müharibə aparan rus hərbçilərinə maaş və “döyüş əlavələri” ödəyir.
Jurnalistlər Rusiya Federasiyasının müxtəlif hərbi hissələrinin Ukrayna ərazisində hərbi əməliyyatlarda iştirakına görə indicə “Qazprombank”dan pul alan hərbçiləri müəyyən etməyə və bankın Rusiya ordusu komandanlığı ilə əməkdaşlığının sistemli olduğunu sübut etməyə nail olublar.
“Belə çıxır ki, Rusiya qazı və nefti üçün Avropa pullarının keçdiyi bank, eyni zamanda, Ukraynaya qarşı təcavüzkar müharibə apardığı üçün Rusiya ordusuna maaş ödəmələri üçün pul kisəsi rolunu oynayır. Müharibə artıq on minlərlə ukraynalının həyatına son qoyub və milyonlarla insanı evsiz qoyub”, - deyə KİV qeyd edib.
Bildiyiniz kimi, "Qazprombank" Rusiyanın üç ən böyük bankından biridir. Avropa İttifaqı və ABŞ digər iki, "Sberbank" və VTB-yə və Rusiyanın daha bir çox maliyyə qurumuna qarşı ciddi sanksiyalar tətbiq edib. Bu bankların Qərblə əlaqəsi faktiki olaraq kəsilib - onlara hər hansı əməliyyatlar aparmaq qadağan edilib, beynəlxalq ödəniş sistemindən SWIFT ilə əlaqəsi kəsilib. Amma “Qazprombank” hələ də belə bir aqibətdən yan keçir.
Səbəb Avropa İttifaqı ölkələrinin - Almaniya, İtaliya, Avstriya və digərlərinin Rusiyanın harasa kredit verməli olduğu pullardır.
İndiyədək Qərb “Qazprombank”a qarşı yalnız sektoral sanksiya adlanan sanksiyalar tətbiq edib ki, bu da onun fəaliyyətinə ciddi təsir göstərməyib.
Rus hərbçilərinin maaşı "Qazprombank" vasitəsilə alması ilə bağlı ən erkən təsdiq, jurnalistlər bunu 2015-ci ildə tapıblar. Xabarovsk diyarında yerləşən 64-cü motoatıcı briqadanın saytında "Sxemlər" hərbçilərin bu bankdan maliyyə dəstəyi alması barədə qeyd tapıb.
"Rus hərbçilərinin indi bu bank vasitəsilə təkcə maaş deyil, həm də Ukraynaya fevralın 24-də başlayan və hələ də davam edən genişmiqyaslı işğalda əlavə iştiraka görə qondarma “döyüş” ödənişləri aldığına dair sübut tapa biliblər. Xüsusiə Rusiyanın “Vkontakte” sosial şəbəkəsində müstəntiqlər rus hərbçiləri üçün Nachfin.info adlı icma aşkar ediblər. Orada çoxlu müzakirələr gedir, o cümlədən əsgərlərə pul müavinətlərinin verilməsi ilə bağlı. Bu formada "Qazprombank"ın da adı çəkilir. Xüsusən də bu ilin iyun ayında qadınlar ödənişlərin gecikməsindən şikayət ediblər", - deyə araşdırmaçı jurnalistlər yazıblar.
Xatırladaq ki, G7 sammitində iştirakçılar Rusiyaya qarşı yeni sanksiyaları təsdiqləyiblər. ABŞ Rusiyada inflyasiyanın 20%-dən çox artacağını proqnozlaşdırır.
Gülayə Mecid
.jpg)
