Kanada Ermənistanda daimi səfiri olan tamhüquqlu səfirlik açacaq.

"Unikal"ın xəbərinə görə, bu barədə Kanadanın xarici işlər naziri Melani Coli bu gün Kanadanın Mərkəzi və Şərqi Avropa və Qafqazda diplomatik mövcudluğunun və potensialının genişləndirilməsi barədə məlumat verib.

“Kanadanın Avropa İttifaqı və Avropa üzrə xüsusi nümayəndəsi və Almaniyadakı səfiri Stiven Dionun Kanadanın erməni demokratiyasına dəstəyini artırmaq yolları ilə bağlı missiyası və hesabatından sonra Kanada Ermənistanda daimi səfiri olan tamhüquqlu səfirlik açacaq. İkitərəfli əlaqələri gücləndirəcək və Kanadanın erməni demokratiyasına dəstəyini artıracaq.

Bu diplomatik genişlənmə Kanadanın yaranan təhlükəsizlik təhdidlərinə reaksiyasını istiqamətləndirməyə, Avropa müttəfiqlərini dəstəkləmək üçün siyasi və iqtisadi əməkdaşlığı gücləndirməyə, Rusiyanın Ukraynaya təcavüzünün nəticələrinə qarşı durmağa və Ermənistanın demokratik inkişafını dəstəkləməyə kömək edəcək"-deyə coli bildirib.

Gültəkin Ələsgər