Fransanın “Pari Sen-Jermen” (PSJ) klubu "Mançester Yunayted"inin futbolçusu Kriştianu Ronaldu ilə maraqlanır.

“Unikal” xəbər verir ki, bu barədə jurnalist Pedro Almeyda öz tviter səhifəsində yazıb.

Qeyd olunub ki, “Pari Sen-Jermen”in futbol müşaviri Luis Kampos mümkün transferlə bağlı futbolçunun agenti Jorj Mendeş ilə əlaqə saxlayıb.

“Mançester Yunayted” ötən mövsüm Premyer Liqanı 6-cı pillədə başa vuraraq Çempionlar Liqasına vəsiqə qazana bilməyib. Bu fakt portuqalların İngiltərə yığmasında qalmaq istəyinə təsir edir. PSJ də öz növbəsində Fransa çempionatının qalibi kimi turnirə qatılacaq.

Ronaldo 2021-ci ilin payızının əvvəlində “Mançester Yunayted”ə qayıdıb. Portuqaliyalı 2021/22 mövsümündə "Mançester Yunayted"in heyətində 39 oyun keçirib, 24 qol vurub və 3 məhsuldar ötürmə edib.