“Real TV” Lələtəpə yaxınlığında torpaqlarımızın işğal altında olduğu dövrdə ermənilərin ərazidə qurduğu beton tunellərə dair süjet hazırlayıb.

"Unikal" xəbər verir ki, süjetdə Azərbaycan Ordusunun korpus komandiri, general-mayor Mais Bərxudarov tunelin texniki göstəricilərinə dair ətraflı məlumat verib.

“Sentyabrın 27-si günün ikinci yarısında biz artıq burada idik. Ermənilər inadla bura hücum edirdilər. 150 nəfər bir, 200 nəfər bir. Onlar buradan çıxmamaq üçün bura daxil olmaq istəyirdilər. Onların içərisində olan bir tağıma qədər qüvvəni məhv etmişdik”, - deyə o bildirib.