Türkiyə ordusu "Şəhid Jandarma Əsgəri Şəhid Mövlud Yıldız" əməliyyatı çərçivəsində Siirt Pervari və Van Çatak kəsişməsində 2 terrorçunu zərərsizləşdirib. 

"Unikal" xəbər verir ki, bu barədə Türkiyə Daxili İşlər Nazirliyi açıqlama yayıb. 

Nazirlikdən verilən məlumata görə, havadan dəstəklənən əməliyyatda Körkandil dağı bölgəsinin Ayı Dərəsi məntəqəsində həyata keçirilən əməliyyatda jandarma xüsusi əməliyyat qrupları ilə terrorçular arasında atışma nəticəsində 2 terrorçu silahları ilə birgə məhv edilib. 

"Terrorun kökü kəsilənə qədər davam edin. Ötən həftə Van Çatak əməliyyatında şəhid olan jandarm qəhrəmanımız Kürşat Sərtin qisası alındı. 2 terrorçu öldürüldü. Əməliyyat davam edir", - daxili işlər naziri Süleyman Soylu əməliyyatla bağlı "Twitter" hesabında yazıb. 

Ağarza Elçinoğlu