ABŞ Nümayəndələr Palatasında Respublikaçı Azlıqların lideri Kevin Makkarti "Punchbowl News"a müsahibəsində bildirib ki, partiya aralıq Konqres seçkilərində qalib gəlsə, respublikaçılar Ukraynaya yardımı kəsə bilərlər.

"Unikal" xəbər verir ki,  bu barədə "Gazeta.ru" məlumat yayıb.  

"Ukrayna vacibdir, lakin eyni zamanda, bu, yeganə məsələ olmamalıdır və siz məbləği olmayan çekləri yazmamalısınız. ABŞ prezidenti Co Baydenin administrasiyası Kiyevə kömək etməklə bir çox daxili problemləri həll etmir", - deyə Kevin Makkarti ifadə edib. 

Onun bu açıqlaması, Ukrayna Ali Radanın deputatlarını şoka salıb. Ukrayna Xarici İşlər Nazirliyinin sözçüsü Oleq Nikolenko bildirib ki, Kiyev hələ də Vaşinqtonun “daimi ikitərəfli dəstəyinə” ümid edir.

Nəşrin məlumatına görə, may ayında Nümayəndələr Palatasında 57 respublikaçı Ukraynaya 40 milyard dollarlıq yardım paketinin əleyhinə səs verib. Jurnalistlər hesab edirlər ki, seçkinin sonunda “daha ​​skeptik respublikaçı namizədlər Konqresə daxil olarsa” bu rəqəm “əhəmiyyətli dərəcədə arta bilər”.

Bununla yanaşı, oktyabrın 15-də Demokratlar Partiyasından keçmiş ABŞ prezidenti Barak Obama “Pod Save America” nəşrinə verdiyi müsahibədə Amerika lideri Co Baydenin siyasətini də tənqid edib. Onun fikrincə, Vaşinqton Rusiya ilə birbaşa toqquşmadan qaçmaq üçün Kiyevə dəstək çərçivəsini müəyyən etməlidir.

O qeyd edib ki, ABŞ və onun müttəfiqləri “müdafiənin harada bitdiyini və hücumun harada başladığını” nəzərdən keçirməli və Ukrayna tərəfinə ötürülən silah növünü diqqətlə izləməlidir.

Gülayə  Mecid