Azərbaycan Turizm və Menecment Universitetində (ATMU) "Daha yaxşı mən" adlı təlim olub.

"Unikal" xəbər verir ki, "Edulance" Təhsil Mərkəzinin təsisçi direktoru, təhsil psixoloqu və peşəkar təlimçi Hüseyn Həsənov tədbir çərçivəsində “Xaricdə təhsil imkanları”,  “Ölkəiçi və xaricdə karyeraqurmanın başlıca faktorları”, “Xarici dil bilmənin gələcək iş fəaliyyətinə təsiri”, “Hobbilərə yiyələnmə”,“Kompyuter biliklərinin üstünlükləri”, “Gələcəyə fokuslanmanın təkmilləşdirilməsi”, “Peşəkar inkişafa dəstək”və s. mövzulara aydınlıq gətirib.

Təlimin sonunda "Edulance" Təhsil Mərkəzi tərəfindən ATMU tələbələrinə "General English" dərslərinə endirimlər, ödənişsiz dil dərsləri və dil biliyi səviyyəsinin yoxlanılması və s. xidmətlər hədiyyə edilib.

“Daha yaxşı mən”təlimi Azərbaycan Turizm və Menecment Universitetinin Karyera və kommunikasiya şöbəsinin təşkilatçılığı ilə təşkil olunub.