Rusiya prezidenti Vladimir Putin təhlükəsizlik tədbirləri altında ilk dəfə olaraq müharibə başlayandan bəri münaqişələrin ən şiddətli olduğu Mariupol bölgəsinə səfər edib.  

"Unikal" xəbər verir ki, yerli hökumət və bölgə əhalisi ilə təmasda olan Rusiya prezidentinin foto və videoları yeni müzakirələrə səbəb olub.

Ukraynanın məşhur adlarından biri olan Anton Geraşenko sosial media hesabında Putinin bəzi fotolarını yayımlayaraq diqqətçəkən iddia irəli sürüb. Geraşenko iddia edib ki, Putin şəxsən Mariupola getməyib, əksinə, dublyorunu bölgəyə göndərib.

Putinin müxtəlif vaxtlarda çəkilmiş fotolarını paylaşan ukraynalı rəsmi Putinin çənə və boyun bölgəsindəki fərqi də vurğulayıb. Geraşenko “Putin, sənin çənənə nə olub? Son zamanlar makiyaj mütəxəssisləri Putinin keyfiyyətsiz nüsxələri ilə işləmək məcburiyyətində qalıblar. Bu, tam olaraq oxşar deyil, amma bir nüsxədir”,- deyə  qeyd edib.  

Gülayə Mecid