Kubanın baş naziri Manuel Marrero Kruz iyunda Rusiya Federasiyasına səfər edəcək.

"Unikal" xəbər verir ki, bu barədə Kuba Xarici İşlər Nazirliyinin rəhbəri Bruno Rodrigez Parrilla bildirib. 

"İyun ayında Kubanın Baş naziri ikitərəfli, eləcə də Avrasiya İqtisadi İttifaqı (Aİİ) çərçivəsində geniş proqram həyata keçirmək üçün Rusiya Federasiyasına səfər edəcək ", - Parrilla Rusiya nazirliyinin rəhbəri ilə danışıqlar zamanı bildirib. 

Bundan əvvəl Rusiya Xarici İşlər Nazirliyinin rəhbəri Kubaya işgüzar səfərə  gəlib və burada kubalı həmkarı Bruno Rodriges Parrilla ilə danışıqlar aparacaq.

İki ölkənin xarici işlər nazirlərinin Rusiya və Kuba arasında əməkdaşlığın inkişafı ilə bağlı geniş mövzuları, regional və beynəlxalq məsələləri müzakirə edəcəyi gözlənilir.

Bundan əvvəl Sergey Lavrov Braziliya , Venesuela və Nikaraquaya səfər edib . Rusiya Xarici İşlər Nazirliyi rəhbərinin aprelin 17-də başlayan Latın Amerikası turunun son dayanacağı Kuba olacaq. XİN-dən verilən məlumata görə, onun səfəri bu ölkələrlə Rusiya arasında siyasi, ticarət-iqtisadi, təhsil, humanitar, mədəni və digər sahələrdə qarşılıqlı faydalı əməkdaşlığın gücləndirilməsinə yönəlib.