Volodimir Zelenski Emmanuel Makronla telefon danışığı aparıb.

"Unikal" xəbər verir ki, söhbətin nəticəsi olaraq Ukrayna prezidenti Fransa tərəfindən “güclü zirehli paket”in təhvil verildiyini açıqlayıb.

Bu barədə məlumat dövlət başçısının saytında yer alıb. Nəşr qeyd edir ki, Fransa prezidenti ilə söhbət zamanı Zelenski Ukrayna Silahlı Qüvvələrinin prioritet ehtiyaclarına diqqət çəkib.

“Parisin artıq göstərdiyi müdafiə yardımına görə minnətdarlıq ifadə edilib və Ukrayna Silahlı Qüvvələrinin potensialını gücləndirəcək əlavə həll yolları haqqında razılıq əldə olunub. Biz Fransanın silahlı qüvvələrimizə güclü zirehli paket təqdim etməsini təsdiqlədiyini yüksək qiymətləndiririk "deyə nəşr yazır.