Rusiyanın özəl "Vaqner" hərbi qruplaşması bu gündən başlayaraq iyunun 1-dək Baxmutdan çıxacaq.

"Unikal" xəbər verir ki, bu barədə təşkilatın yaradıcısı Yevgeni Priqojin bildirib.

"Qərb kənarında müdafiə xətləri quruldu. Buna görə də, "Vaqner" mayın 25-dən iyunun 1-dək Baxmutdan ayrılır. İyunun 1-dən bir dənə də olsun "Vaqner" döyüşçüsü ön sıralarda olmayacaq", - deyə rusiyalı iş adamı bildirib. 

Bundan əvvəl Priqojin artıq döyüşçülərinin istirahət və yenidən hazırlıq üçün arxa cəbhəyə çəkildiyini elan etmişdi. O, Baxmutdakı mövqelərin nizami orduya veriləcəyini deyib. 

Ağarza Elçinoğlu