İsveç müharibədən zərər çəkmiş Ukraynaya bərpa üçün 500 milyon avro (925,7 milyon manat) ayırmaq niyyətindədir.

"Unikal" xəbər verir ki, bu barədə Ukrayna prezidentinin mətbuat katibi Sergey Nikiforov “Rada” telekanalının canlı efirində bildirib.

“Hərbi dəstəkdən əlavə İsveç bir neçə il ərzində Ukraynanı bərpa etmək üçün təxminən yarım milyard avroluq strategiya qəbul edib”, - deyə o bildirib. 

Nikiforovun sözlərinə görə, ianəni özəl biznes nümayəndələri də edə bilərlər.

O həmçinin Stokholmun Kaxovka su elektrik stansiyasının dağıdılması nəticəsində zərər çəkmiş ərazilər üçün Kiyevə içməli su nasoslarını verməyi vəd etdiyini bildirib.