“Müsəlman dünyası və beynəlxalq ictimaiyyət tərəfindən Məscidül-Əqsanın müqəddəsliyinin və İslam kimliyinin davamlı şəkildə pozulmasına, davam edən hücumlara və yeni qəsəbələrin salınmasına qarşı tək qalan fələstinli qardaş və bacılarımızın haqlı müqavimətini dəstəkləyirəm”.

"Unikal" xəbər verir ki, bu barədə Türkiyənin keçmiş xarici işlər naziri, baş nazir, Gələcək Partiyasının lideri Əhməd Davudoğlu X istifadəçi hesabında yazıb.

Siyasətçinin fikrincə, bu mübarizədə Fələstinin ədalətli işinə xələl gətirən rəftar və fikirlərdən çəkinmək lazımdır.

Onun sözlərinə görə, İsrail müqəddəs yerlərə, xüsusən də Məscidül-Əqsaya hörmətlə yanaşsa, suveren Fələstin dövlətinə mane olmasa, işğal olunmuş torpaqlarda yeni yaşayış məskənləri tikməsə, fələstinlilərin ən elementar insan haqlarına hörmətlə yanaşsa, daimi sülh mümkün ola bilər. Qəzzaya qarşı bütün embarqoları aradan qaldırır.

“İsrailin mümkün müharibə elanı ilə daha dağıdıcı nəticələrin qarşısını almaq üçün Türkiyə dərhal İslam Əməkdaşlıq Təşkilatını fövqəladə iclasa çağırmalı və müvafiq tərəflər arasında dərhal atəşkəsin təmin edilməsi üçün diplomatik fəaliyyət planı irəli sürməlidir”.