“Beşiktaş”la matçdan sonra stadionu qəfil tərk edən Mauro İkardinin səhhəti ilə bağlı son vəziyyət açıqlanıb.
"Unikal" xəbər verir ki, bu barədə “Qalatasaray” klubu məlumat yayıb.
“Spor Toto Super Liqasının 9-cu həftəsində “Beşiktaş”la matçda aldığı zərbədən sonra ağrıları başlayan və oyundan sonra tibbi baxış zamanı zədəsi müəyyənləşən futbolçumuz Mauro İkardinin sağ topuq nahiyəsindəki vətərlərində, torlu qişa toxumasında qanaxma aşkar edilib. Oyunçumuzun müalicəsinə başlanılıb”, - deyə klubdan bildirilib.
Hücumçunun yaşıl meydanlara nə zaman qayıdacağı açıqlanmayıb. Ehtimal ki, o, komandasının Çempionlar Liqası çərçivəsində “Bavariya” ilə matçını buraxmalı olacaq.
