Türkiyə rəsmiləri fırtına səbəbilə çərşənbə axşamı günortadan sonra Dardanel boğazında gəmilərin hərəkətini dayandırıb.

"Unikal" xəbər verir ki, bu barədə Türkiyə Nəqliyyat Nazirliyinin Dəniz İşləri Baş İdarəsinin bəyanat yayıb. Bəyanatda qeyd olunub: “Pis hava şəraiti ilə əlaqədar olaraq, yerli vaxtla saat 15:15-dən (Bakı vaxtı ilə 17:15-də - red.) etibarən Dardanel boğazında hər iki istiqamətdə gəmilərin hərəkəti dayandırılıb”

Qeyd edək ki, Türkiyə son günlər əlverişsiz hava şəraitinin təsirinə məruz qalıb. Yerli hakimiyyət orqanlarının məlumatına görə, dalğaların hündürlüyü doqquz metrə çatan ölkənin Qara dəniz sahillərində bir həftə ərzində beş gəmi quruya çırpılıb. Onlardan biri 12 dənizçi ilə noyabrın 19-da batıb, beş ekipaj üzvünün cəsədi tapılıb, digərlərinin axtarışları gecə-gündüz davam edir.

Türkiyə ərazisinin üçdə bir hissəsində sarı və narıncı hava xəbərdarlığı elan edilib.