Ermənistan Silahlı Qüvvələrinin 3-cü Ordu Korpusunun sabiq komandiri, general-mayor Qriqori Xaçaturovun barəsində seçilmiş həbs-qətimkan tədbiri həbsdən girov və inzibati nəzarətə dəyişdirilib.

"Unikal" xəbər verir ki, "Məhkəmə şikayəti qismən təmin etmək qərarına gəlib. O, girov və inzibati nəzarəti seçib", - vəkil Mihran Poqosyan bildirib.

Vəkilin sözlərinə görə, bunun üçün, yaxud başqa həbs-qətimkan tədbirinin seçilməsi üçün heç bir əsas olmayıb. Eyni zamanda, Xaçaturov indi cəzaçəkmə müəssisəsinə aparılıb.

Öz növbəsində digər vəkil Akop Yenokyan bildirib ki, girov məbləği 20 milyon dramdır. Xaçaturov təqdim edildikdən sonra azadlığa buraxılacaq.
Oktyabrın əvvəlində məhkəmə Xaçaturovun həbs müddətini iki ay uzadıb .

Qeyd edək ki, Qriqori Xaçaturov sabiq müdafiə naziri, parlamentin “Hayastan” fraksiyasının rəhbəri Seyran Ohanyan və daha 11 nəfərin işində iştirak edir. Cinayət işi çərçivəsində keçmiş müdafiə nazirinə qarşı xüsusi külli miqdarda mənimsəmə və vəzifə səlahiyyətlərindən sui-istifadə etmə, ehtiyatsızlıqdan ağır nəticələrə səbəb olan ittihamlar irəli sürülüb.

Kadastr Komitəsinin keçmiş rəhbəri Manuk Vardanyana (səhlənkarlıq nəticəsində ağır nəticələrə səbəb olan vəzifə səlahiyyətlərindən sui-istifadə), keçmiş bölmə komandiri Qriqori Xaçaturova (xüsusilə külli miqdarda çirkli pulların yuyulması və vəzifə səlahiyyətlərindən sui-istifadə) və Moston Engineering şirkətinin direktoru D. G. (xüsusilə böyük miqyasda fırıldaqçılıq və sənədlərin saxtalaşdırılması).