İslandiyanın Reykyanes yarımadasında vulkan püskürməsi nəticəsində lava axını Qrindavik şəhərindəki evlərə çatıb.

"Unikal" TASS-a istinadən xəbər verir ki, evlərdən ikisi artıq külə dönüb. 

Qeyd edək ki, ölkənin cənub-qərbində yerləşən vulkanın püskürməsi səhər saatlarında başlayıb. Bölgədə fövqəladə vəziyyət elan edilib.

Qrindavik sakinləri təxliyə edilib.

İslandiyada 33 aktiv vulkan sistemi var. 2021-ci ildən bəri Reykyanes yarımadasında dörd püskürmə baş verib.