Moskvada seçki məntəqəsində insident baş verib. 

"Unikal" rus mətbuatına istinadən xəbər verir ki, qadın Moskvadakı seçki məntəqələrindən birində olarkən seçki qutusuna boya töküb, hadisədən dərhal sonra o saxlanılıb. 

"Şübhəli dindirilmək üçün paytaxtın İstintaq Komitəsinin bölməsinə aparılıb. Artıq onun barəsində cinayət işi başlanıb", - KİV-lərin birində qeyd olunub. 

Qeyd edək ki, martın 15-dən etibarən Rusiyada prezident seçkiləri  keçirilir.  Seçkilər martın 17-dək davam edəcək.

Gülayə Mecid