Astroloqlar 29 aprel 2024-cü il bürclər haqqında proqnozları açıqlayıblar.
"Unikal" həmin proqnozları təqdim edir:
Qoç:
Bu günlərdə münasibətlərinizdə və ya karyeranızda yaşadığınız mənfi təsirlər inkişafınıza kömək edir. Müvəffəqiyyət yolunda sizin üçün impulsiv davranmamaq və sakit qalmaq vacibdir. Bu gün ağzınızdan çıxan sözlərə diqqət etməlisiniz.
Buğa:
Bu gün gələcək planlarınızla bağlı mühüm müzakirələr apara, yeni, uzunmüddətli və məsuliyyətli qərarlar qəbul edə bilərsiniz. Beyninizi məşğul edən və uzun müddət laqeyd yanaşdığınız işləri yekunlaşdırmaq üçün münasib gündür.
Əkizlər:
Münasibətlərdə yaşadığınız problemləri həll edə bilməmək insanlara olan inamınızı itirməyinizə səbəb olur. Problemi səhv yerdə axtarırsınız. Günahı özünüzdə axtarın. Özünüzə tutduğunuz güzgü sizə xeyir gətirəcək.
Xərçəng:
Bu günlərdə çox çalışırsınız. İş və şəxsi həyatı balanslaşdırmaq çətin ola bilər. Qidalanmazı diqqət yetirin və sağlam yaşamağın yollarını araşdırın. Bədəniniz gücləndikcə zehni olaraq özünüzü daha yaxşı hiss edəcək və daha yaxşı qərarlar qəbul edəcəksiniz.
Şir:
Sağlamlığınızın qeydinə qalmağınız lazım olan gündür, çünki gözləntiləriniz istədiyiniz şəkildə qarşılanmaya bilər. Gözlənilməz məsələlər gündəmə gələ bilər. Diqqəti özünüzə cəmləyin, çünki bu gün xarici aləmi dərk edə bilməyəcəksiniz.
Qız:
Diqqətli hesablama və təfərrüat tələb edən məsələlərə diqqət göstərməlisiniz. İş həyatınızla bağlı mühüm danışıqların və təkliflərin ön plana çıxacağı gündür. Qəbul etdiyiniz qərarlar uzunmüddətli perspektivdə məsuliyyət gətirəcək, buna hazır olmalısınız.
Tərəzi:
Ailə münasibətlərində yaşadığınız mübarizə zehni olaraq sizi yorsa da, problemlərə ciddi yanaşmalı olduğunuz gündür. Bu problemləri görməzdən gəlmək gələcəkdə problemlərin artmasına səbəb olacaq. Problemlərdən qaçmayın.
Əqrəb:
Yeni ideyaların və yeni razılaşmaların ön plana çıxacağı gündür. Ortaq zəmində insanlarla görüşmək üçün özünüzü məhdudlaşdırmayın. Məsuliyyətləriniz artır, amma qorxularınıza qalib gəlsəniz, daha çox inamla irəliləyəcəksiniz.
Oxatan:
Maliyyə məsələlərində göstərdiyiniz səylər bu gün gündəmə yeni razılaşmalar gətirə bilər. Bu gün atacağınız konkret addımlar növbəti mərhələ üçün həlledici olacaq. Risk götürməyin, arzularınıza real prizmadan yanaşın.
Oğlaq:
Bu gün xarici görünüşünüzlə bağlı yeniliklər etmək və ya diqqətinizi sağlamlıq məsələlərinə yönəltmək istəyə bilərsiniz. Uzun müddət özünüzə qarşı laqeydlik göstərmisiniz. Vücudunuz mühüm xəstəlik siqnalları verməzdən əvvəl özünüzə diqqət etməlisiniz.
Dolça:
İndi görürsünüz ki, sabit qərarlarınız inkişafınıza mane olur. Çətin problemləri həll etməyin yeganə yolu fərqli bir perspektiv inkişaf etdirmək və ya insanların fikirlərini dinləməkdir. Bu haqda düşünün.
Balıqlar:
Xəyallarınız bu gündən reallaşmağa daha yaxındır. Məqsədlərinizin aydın olması sizə yol açır. Bu gün mühüm qərarlar verə bilərsiniz, amma bilin ki, bu qərarlar məsuliyyət gətirən qərarlar olacaq. Bunlara hazır olmalısınız.
Zərifə Nağıyeva
