Hollandiyalı ifaçı Joost Klein də Eurovision 2024 mahnı müsabiqəsinin münsiflər heyəti üçün şou olan məşqdə iştirak etməyəcək.
“Unikal” xəbər verir ki, bu barədə NOS telekanalı AVTOTROS yayımçısına istinadən məlumat yayıb.
NOS-un məlumatına görə, ifaçının məşqdə iştirakı son anda ləğv edilib. SVT televiziya kanalı iddia edir ki, Klein fotoqraflardan biri ilə qarşıdurmaya girib. Digər şayiələrə görə, Klein Avropa Yayım Birliyinin (EBU) nümayəndəsi ilə münaqişə edib.
AVTOTROS hadisə ilə bağlı araşdırma aparıldığını təsdiqləyib. "Nəticələri gözləyirik və onları alana qədər heç nə demək istəmirik" dedi yayımçı. Europapa mahnısı ilə gələn Klein, eyni zamanda peşəkar münsiflər heyətinin musiqiçiləri qiymətləndirdiyi məşqdə iştirak edə bilməyəcək. Hollandiyalı müğənni şənbə günü Malmödə baş tutacaq müsabiqənin finalına vəsiqə qazanıb.
Bundan əvvəl Avropa Yayım Birliyi hadisəni araşdırdığını açıqlamışdı. Lakin AYB daha ətraflı məlumat verməyib.
