İspaniya Fələstin dövlətini rəsmən tanıyıb; müvafiq hökumət qərarı mayın 28-də qüvvəyə minəcək.
"Unikal" xəbər verir ki, bu barədə İspaniyanın baş naziri Pedro Sançes məlumat yayıb.
"Gələn çərşənbə axşamı, mayın 28-də İspaniya Nazirlər Şurasında Fələstin dövlətinin tanınmasını təsdiq edəcək", - siyasətçi İspaniya parlamentinin aşağı palatasında çıxışı zamanı deyib.
"Politico" qəzeti mayın 22-də yazıb ki, üç Avropa ölkəsi - Norveç, İrlandiya və İspaniya Fələstini tanımaq niyyətindədirlər. Norveç hökuməti daha sonra mayın 28-dən etibarən Fələstin dövlətini tanıyan bəyanat yayıb .
Bu fonda İsrail növbəti məsləhətləşmələr üçün Norveç və İspaniyadakı səfirlərini geri çağırıb.
***10:46
Norveç Fələstini müstəqil dövlət kimi tanıyan 144-cü ölkə olub.
"Unikal" xarici KİV-ə istinadən xəbər verir ki, baş nazir Jonas Gahr Store ölkəsinin Fələstin dövlətini tanıdığını açıqlayıb.
Bununla bağlı qərar mayın 28-də qüvvəyə minəcək.
Qeyd edək ki, Norveçlə yanaşı, İspaniyanın da Fələstini tanıdığını elan etməsi gözlənilir.
Gülayə Mecid
