İsrail Müdafiə Qüvvələrinin təyyarələri tərəfindən Yəmənin Hodeyda şəhərində neft anbarını atəşə tutmasının “İranın terror qoluna ağır zərbə” olduğu iddia edilir.

"Unikal" xəbər verir ki, bu fikri İsrailin xarici işlər naziri İsrael Katz bildirib. 

“İran İsrail dövlətinə hücum edən terror təşkilatlarının regional silsiləsinin bir hissəsi olan Husi terror təşkilatını dəstəkləyir, öyrədir və maliyyələşdirir ”, - İsrail Xarici İşlər Nazirliyinin rəhbəri sübut təqdim etmədən mövqeyini açıqlayıb.

O əlavə edib ki, İsrail “sakitləşməyəcək” və ölkə hakimiyyətinin öz vətəndaşları üçün təhlükə hesab etdiyi hər kəsə hücum edəcək.