Sakit okeanda 15 ay qayıqda qalan meksikalı balıqçı adam yeməkdə ittiham olunub. 

"Unikal" xarici KİV-ə istinadən xəbər verir  ki, 2012-ci ildə Xose Salvador Alvarenqa balıqçı yoldaşı Ezequiel Cordoba ilə iki günlük balıq ovuna gedib. Kişilər okeanda səngiməyən tufana yaxalanıblar. Onlar qayığın manevr etməsini asanlaşdırmaq üçün avadanlıqlarının çoxunu atıblar, lakin sonra qayığın mühərriki sıradan çıxıb.

Alvarenqa həyatda qalmaq üçün çılpaq əli ilə balıq və quş tutmalı olub. 

“Mən vaxtın izini itirdim və yalnız gecə və gündüz müəyyən edə bildim. Qayıqda 438 gün qaldıqdan sonra Marşal adalarında kiçik bir kəndin sakinləri tərəfindən xilas edildim", -  mətbuata açıqlamasında deyib. 

Kişinin sözlərinə  görə, dörd aydan sonra yorğunluqdan əziyyət çəkən dostu Cordoba vəfat edib.  Maraqlısı budur ki,  Alvarenqa xilas olunduqdan sonra onun qayığında Cordobanın meyiti aşkarlanmayıb. 

Bundan sonra ikinci balıqçının ailəsi Alvarenqanı məhkəməyə verib, Cordobanın qohumları balıqçının sağ qalmaq üçün onu yediyini iddia edib.

Alvarenqa iddiaları rədd edib və o tərəfdaşının öldükdən sonra Sakit Okeanına atdığını bildirib. Kişi yalan detektoru testindən də keçib. Araşdırmalar davam edir. 

Gülayə Mecid