Şimali Koreya lideri Kim Çen In silaha aid nüvə materiallarının istehsalı bazası olan Nüvə Silahları İnstitutuna baş çəkib.

"Unikal" xəbər verir ki, bunu Koreyanın rəsmi Mərkəzi Xəbər Agentliyi KCNA məlumat yayıb. 

"Kim Çen In özünümüdafiə üçün nüvə silahlarının sayının daha da artırılmasının zəruriliyini qeyd edib", - KİV yazıb. 

Məlumata görə, Kim Çen In “nüvə” zavodunu ziyarət edib, Pxenyan ilk dəfə belə bir obyektin fotosunu media ilə paylaşıb.  

Amerika mətbuatında yer alan xəbərlərə görə, Şimali Koreyanın uranı zənginləşdirmək üçün istifadə etdiyi avadanlıq və nə qədər istehsal edə biləcəyi barədə daha yaxşı fikir əldə etmək üçün şəkillər ABŞ və onun müttəfiqləri və silah ekspertləri tərəfindən diqqətlə araşdırılacaq.

Gülayə Mecid