Ermənistan regionda sabit və davamlı sülhə nail olmaq istiqamətində qətiyyətlə irəliləyir.

"Unikal" xəbər verir ki, bunu Ermənistan prezidenti Vaaqn Xaçaturyan Berlində alman həmkarı Frank-Valter Ştaynmayerlə görüşündə deyib. 

Ermənistan-Türkiyə münasibətlərinə toxunan prezident qeyd edib ki, Ermənistan tərəfi əvvəllər olduğu kimi, hazırda da ilkin şərt olmadan münasibətləri normallaşdırmaq mövqeyindən çıxış edir və bununla bağlı sərhəd infrastrukturlarının yaradılması və bərpası istiqamətində müəyyən addımlar atılıb.

Xaçaturyan vurğulayıb ki, Ermənistanın mövqeyi bütün qonşu dövlətlərlə müntəzəm və qonşuluq münasibətlərində olmaqdan ibarətdir və bu, regionun bütün ölkələrinin maraqlarına cavab verir: "Bizə aydındır ki, sülh, sabitlik və qonşuluq olmadan regionumuzda və ümumiyyətlə, bütün dünyada gözlənilən inkişafı əldə etmək mümkün deyil". 

Ağarza Elçinoğlu