Rusiya prezidenti, Rusiya Silahlı Qüvvələrinin Ali Baş Komandanı Vladimir Putin Strateji Çəkindirici Qüvvələrin təlimində iştirak edir.
"Unikal" xəbər verir ki, bu barədə Rusiya KİV məlumat yayıb.
Putin təlimi Kremlin situasiya mərkəzindən videobağlantı vasitəsilə izləyir.
Strateji Çəkindirici Qüvvələr Rusiyaya və onun müttəfiqlərinə qarşı təcavüzün qarşısını almaq, habelə nüvə silahı da daxil olmaqla müxtəlif növ silahlardan istifadə etməklə müharibədə təcavüzkarı məğlub etmək üçün nəzərdə tutulmuş Rusiya Silahlı Qüvvələrinin tərkib hissəsidir.
Onun əsas komponenti strateji nüvə qüvvələridir. Bunlara Strateji Raket Qüvvələri, Hərbi Dəniz Qüvvələrinin bir hissəsi - dəniz strateji nüvə qüvvələri, habelə Aerokosmik Qüvvələrin bir hissəsi - aviasiya strateji nüvə qüvvələri daxildir.
Ağarza Elçinoğlu
