ABŞ sakini balqabaqda çayda 72 kilometr üzüb və rekord vurub.

"Unikal" xarici mediaya istinadən xəbər verir ki, Oreqondan olan Hari Kristensen Kolumbiya çayı boyunca balqabaq üzərində 72 kilometr üzərək yeni dünya rekordu vurub. Balqabaqla üzmək təxminən 26 saat çəkib. Sözügedən balqabaq isə 2011-ci ildən yetişdirilir. 

Kristensen 2013-cü ildən oxşar üzgüçülük yarışlarında iştirak etdiyini, son 4 ildə isə qalib olduğunu bildirib. Amerikalının sözlərinə görə, o, daha yaxşı nəticəgöstərmək istəyib, lakin güclü külək və cərəyan səbəbindən bunu edə bilməyib.

"Küləyin sürəti saatda 56 kilometrə çatdı və dalğalar olduqca güclü idi", - deyə Hari bildirib.