Xaçmazda dəhşətli qəzada ölənlərin sayı 3-ə çatıb.

"Unikal"ın Şimal bürosunun məlumatına görə, hadisə Gəndob-Xaçmaz-Yalama avtomobil yolunun Xaçmaz şəhərinin giriş hissəsində qeydə alınıb.

Belə ki, yerli sakinlərin sözlərinə görə, yüksək sürətlə hərəkətdə olan "BMW" markalı minik avtomobili körpünün məhəccərini qıraraq çay dərəsinə aşması nəticəsində ölən şəxslərin sayı üçə çatıb. 

Hadisə nəticəsində V.Bayramov, S.Mənsumov və Məmmədov Anar Rəhman oğlu aldıqları bədən xəsarətlərindən hadisə yerində ölüblər. 

Hadisə zamanı avtomobildə digər şəxslərin olub-olmadığını dəqiqləşdirmək məqsədi ilə qəza baş verən ərazidə axtarış işləri davam etdirilir. 

***

01:18

Xaçmaz rayonunda avtomobil çaya düşüb.

"Unikal"ın Şimal bürosunun məlumatına görə,  "BMW" markalı minik avtomobili rayon ərazisindən keçən "Ağçay" çayına aşması nəticəsində avtomobildə olan iki nəfər kişi cinsli şəxs ölüb. 

Onların kimliyi dəqiqləşdirilir.

Faktla bağlı araşdırma aparılır. 

Xanlar Qaraca