İsrail radikal Fələstinin HƏMAS hərəkatının əlindən azad edilən hər girov üçün fələstinlilərə 5 milyon dollar ödəməyə hazırdır.

"Unikal" xəbər verir ki, bunu İsrailin Baş naziri Benyamin Netanyahu Qəzza zolağına səfəri zamanı deyib.

“Bu vəziyyətdən çıxmaq istəyənlərə deyirəm: kim bizə girov gətirsə, həm onun, həm də ailəsinin təhlükəsiz çıxışını təmin edəcəyik. Qaçırılan hər şəxs üçün 5 milyon dollar mükafat da verəcəyik. Nəticə hər halda eyni olacaq: biz bütün girovları geri qaytaracağıq”, - deyə Netanyahu qeyd edib.