Avstraliyalı keçmiş tennisçi Nil Freyzer 91 yaşında vəfat edib .

"Unikal" xəbər verir ki, məlumatı "Reuters" yayıb. 

Freyzer tennis əfsanəsi statusunu "Böyük Dəbilqə" turnirlərindəki yüksək nailiyyətləri sayəsində qazanıb.

Nil karyerası ərzində üç "Böyük Dəbilqə" turnirinin - 1960-cı ildə "Uimbledon", 1959 və 1960-cı illərdə isə ABŞ Açıq turnirinin qalibi olub. 

Nil Freyzer 1959 və 1960-cı illərdə dünyanın bir nömrəsi olub. O, 1984-cü ildə Beynəlxalq Tennis Şöhrət Zalının üzvü elan olunub.