Azərbaycan Mərkəzi Bankında (AMB) baş direktor və sədrin müşaviri vəzifələrinə yeni təyinatlar olub.

"Unikal" xəbər verir ki, bununla bağlı AMB sədri Taleh Kazımov əmr imzalayıb. Fuad İsayev baş direktor, Ülvin Əliyev isə sədrin müşaviri təyin edilib. Bununla da, AMB-nin baş direktorlarının sayı 6-ya, sədrin müşavirlərinin sayı isə 4-ə çatıb.

F.İsayev son təyinata qədər AMB-nin Kredit təşkilatlarının fəaliyyətinə nəzarət departamentinin direktoru işləyib. Ü.Əliyev isə AMB-də Korporativ idarəetmə və katiblik departamentində Sədrin ofisi şöbəsinin rəisi, daha sonra isə Sədrin ofisi departamentinin direktoru olub.