“Barselona”nın hücumçusu Robert Levandovski İspaniya Superkubokunun yanvarın 12-də Madrid “Real”ına qarşı keçiriləcək final oyunu ilə bağlı gözləntilərini bölüşüb.

"Unikal" xəbər verir ki, bu barədə xarici KİV məlumat yayıb. 

"Mən bu görüşü səbirsizliklə gözləyirəm. Düşünürəm ki, həqiqətən yaxşı matç keçirəcəyik və ən yaxşı futbolumuzu göstərəcəyik, çünki bu matçlar xüsusidir. Bu mövsüm çempion olmaq üçün ilk şansımdır, bu kuboku qazanmaq istəyirik.

“Real”da əla oyunçular var, hətta fərdi olaraq çox güclüdürlər. Bəzən elə görünə bilər ki, onlar ləng gedirlər, matça nəzarət etmirlər, amma sadəcə fürsət gözləyirlər və biz buna hazır olmalıyıq. Amma futbolumuzu göstərsək, onlara çox imkan verməməyə çalışsaq, o zaman qalib gəlib ən yaxşı komanda ola bilərik", - Levandovski açıqlayıb. 

Ağarza Elçinoğlu