ABŞ Prezidenti Donald Trampın andiçmə mərasimi başa çatıb.

"Unikal" xəbər verir ki, inauqurasiya mərasimində iştirak edən qonaqlar Kapitolidən ayrılıblar.

Cozef Bayden ənənəyə uyğun olaraq mərasimi helikopterlə tərk edib.

Baydenlə yanaşı, tədbirdə ABŞ-nin keçmiş prezidentləri Barak Obama, Corc Buş və Bil Klinton da iştirak ediblər.

*** 21:06

Donald Tramp ABŞ-nin 47-ci prezidenti kimi and içib. Həmçinin,  vitse-prezident Ceyms Devid Vensin də andiçmə mərasimi baş tutub. 

"Unikal" xəbər verir ki,  bu barədə CNN telekanalı məlumat yayıb. 
 

***19:26

ABŞ-nin yeni seçilmiş prezidenti Donald Tramp və həyat yoldaşı Melaniya Tramp Ağ Evə gəliblər. 

"Unikal" xəbər verir ki, onlar hazırkı prezident Co Bayden və xanımı Cilllə ənənəvi çay süfrəsi arxasına keçəcəklər. 

Daha sonra onlar hamısı birlikdə Vaşinqton vaxtı ilə günorta saatlarında baş tutacaq inauqurasiya mərasiminə gedəcəklər.