İsveçin yüksək divizionunda çıxış edən "Degersfors" fklubunun oyunçusunu öldürməyə cəhd edilib.
"Unikal" xəbər verir ki, bu barədə fanat məlumat yayıb.
Xəbərə görə, o, iki yeniyetmənin hücumuna məruz qalıb.
Adı açıqlanmayan futbolçu ilə 15 və 17 yaşlı yeniyetmələr arasında münaqişə baş verib. Futbolçu onlardan birini vurub. Buna görə o, 2800 kron cərimə cəzasına məhkum edilib.
Yeniyetmələr isə məhkum olunaraq daha ciddi cəza alıblar. Onlar başqa cinayətlər də törətməkdə, o cümlədən 16 yaşlı şəxsin qətlində şübhəli bilinirlər. Onlardan silah müsadirə olunub.
15 yaşlı yeniyetmə futbolçunu öldürməyə hazırlaşmaqda təqsirli bilinərək 2 il 3 ay müddətinə yetkinlik yaşına çatmayanlar üçün həbs cəzasına məhkum edilib. 17 yaşlı oğlan da adam öldürməyə cəhddə, silahdan istifadə etməkdə təqsirli bilinib. Həmin şəxsi səkkiz il 11 ay həbs gözləyir. Yeniyetmələrin hər biri futbolçuya təzminat olaraq 100 min (ümumilikdə 299 min) kron ödəməlidir.
