Gürcüstan prezidenti Mixail Kavelaşvili aprelin ortalarında Azərbaycana, daha sonra isə Ermənistana səfər edəcək.

"Unikal" xəbər verir ki, Kavelaşvilinin planlaşdırılan səfərləri barədə məlumatı onun beynəlxalq əlaqələr üzrə müşaviri Luka Ekhvaya yayıb.

Kavelaşvilinin ilk xarici səfəri aprelin 14-15-də Azərbaycana baş tutacaq.

"Sonra Ermənistana - güman ki, ayın sonunda gedəcək. Tarixlər hələ dəqiqləşməyib", - deyə Ekhvaya bildirib.

Xatırladaq ki, Gürcüstanın baş naziri İrakli Kobaxidze 2024-cü ildə iki dəfə Ermənistana və Azərbaycana səfər edib, martın 20-də isə yenidən Ermənistana gedib. O, Ermənistan və Gürcüstan milli komandaları arasında keçirilən futbol matçında iştirak edib.