Ağdaşda əmisini bıçaqlayan şəxs saxlanılıb.

"Unikal"ın məlumatına görə, hadisə ötən gün rayonun Birinci Aral kəndində baş vermişdi. 23 yaşlı Rəhim Kərimov şəxsi münasibətlər zəminində aralarında yaranmış mübahisə zamanı əmisi, 1969-cu il təvəllüdlü Nəriman Kərimova yaşadığı evdə kəsici alətlə xəsarət yetirib. 

DİN-in Mətbuat Xidmətinin Şəki regional qrupundan sorğumuza cavab olaraq  bildirilib ki, polis əməkdaşları tərəfindən əməli törətməkdə şübhəli bilinən şəxs saxlanılıb. Müvafiq ekspertiza təyin olunub və araşdırmalar davam etdirilir.

Ehtiram Muradov