Türkiyənin xarici işlər naziri Hakan Fidan Rusiya prezidenti Vladimir Putinin Ukrayna üzrə danışıqlarda reaksiyasını açıqlayıb.

"Unikal" xəbər verir ki, onun sözlərini "Milliyet" nəşri sitat gətirib. 
 
"Bizim gündəmimiz əsasən, Ukrayna ilə bağlı danışıqlar oldu. İstanbuldakı danışıqlardan sonra bəzi fikirlərimiz var idi, mən onları çatdırdım, reaksiyalarını aldım. Kiyevə məhsuldar səfər-turum var", - H.Fidan bildirib.  

Nazir qeyd edib ki, Rusiya “son qərar qəbul edən orqan”dır.

Bundan əvvəl Rusiyanın xarici işlər naziri Sergey Lavrov ABŞ dövlət katibi Marko Rubioya Moskvanın iyunun 2-də İstanbulda Ukrayna ilə danışıqlara dair təkliflər hazırlaması barədə məlumat verib.

Gülayə Mecid