İsveçdə kiçik bir adada yerləşən və yalnız qayıqla gediş-gəlişi olan unikal ev satış qiyməti ilə görənləri heyrətə gətirib.

"Unikal" xəbər verir ki, evin elanı Skandinaviya daşınmaz əmlak platforması cheap.houses.scandinavia-da dərc edilib və qısa zamanda böyük marağa səbəb olub.

Ümumilikdə 82.800 dollara satışa təqdim edilən bu təbiət möcüzəsi mülkü xüsusilə şəhər həyatından uzaqlaşmaq istəyən təbiətsevərlər üçün cəlbedici yaşayış sahəsi təqdim edir.

Adadakı ev şəbəkədən kənar quruluşu ilə seçilir. Günəş enerjisi sistemləri və davamlı dizaynı sayəsində ətraf mühitə tam uyğundur. Evin daxili dizaynı sadə və dinc detallarla təchiz edilib, ağacların arasında yerləşən böyük eyvan reklamı görənlərin diqqətini çəkən əsas elementlərdən biri olub.

Bu mülk müasir həyatın xaosundan uzaq, texnologiyadan uzaq və təbiətlə iç-içə yaşamaq istəyənlər üçün ideal alternativ olaraq seçilir və sərfəli qiyməti ilə diqqət çəkir.

Gülayə Mecid