Münhendə, dünyanın ən böyük pivə festivalı olan Oktoberfestin hər il keçirildiyi "Theresienwiese" meydanında 30 yaşlı qadın yoldan keçənlərə bıçaqla hücum edib.
"Unikal" xəbər verir ki, bu barədə "Bild" nəşri məlumat yayıb.
Qəzetin məlumatına görə, qadın yoldan keçən bir neçə nəfəri yaralayıb, bundan sonra polis ona atəş açıb. Hadisə nəticəsində o, təcili xəstəxanaya yerləşdirilib və əməliyyat olunub. Həkimlərin bütün səylərinə baxmayaraq, hücumçunu xilas etmək mümkün olmayıb.
Hazırda onun hərəkətlərinin motivləri açıqlanmır. Səlahiyyətlilər əmin edirlər ki, artıq ictimaiyyət üçün təhlükə yoxdur.
