ABŞ və İran Tehranın nüvə proqramı ilə bağlı razılaşmaya kifayət qədər yaxındırlar, Amerika administrasiyası hələlik İsrailin İslam Respublikasında mümkün hərbi əməliyyatını görmək istəmir.

"Unikal" xəbər verir ki, bunu Ağ Evdə jurnalistlərin suallarını cavablandıran ABŞ prezidenti Donald Tramp deyib. O, İsrailin İrana zərbə endirməsi ehtimalını şərh edərkən bildirib:

"Baxın, mən İranla saziş bağlamaq istəyirəm. Razılaşmaya çox yaxınıq. Biz kifayət qədər yaxşı razılaşmaya yaxınıq. Amma bu, yaxşı razılaşmadan daha yaxşı olmalıdır. Mən onların əməliyyata başlamasını istəmirəm, çünki düşünürəm ki, bu, hər şeyə kömək edə bilər, amma bu, həm də hər şeyi məhv edə bilər".